DILI – Kada tinan universidade iha Timor produs graduadus timor oan kuaze rihun 5 t oo rihun 6, maibe iha kampu servisu, traballador barak mos husi estranjeirus, ida nee tanba graduadus iha deit kapasidade intelektual, maibe ba abilidade skill sei minimu.
Tuir Diretor Geral Servisu Kooperativus Ministeriu Edukasaun Antoninho Pires katak, haree ba kualidade graduadus, ministeriu iha nia rekezitus ba iha universidade sira. Aleinde nee mos ministeriu atu garante kualidade nee mak sira komesa halo ona avalisaun ba iha klase paralelo, neebe mak loke iha munisipiu sira, atu nunee konsentra lai ba sentral hodi nunee bele garante kualidade.
Nia hatete, hare ba buat sira nee hotu ministeriu agora estabelese ona konteudu kurikular minimu iha universidade sira i aomezmu tempu iha konteudus minimu sira ba ensinu superior sira nia kurikular bele hatama ona abilidade, para oinsa bele iha ona parte ba abilidade ketrampilan ba estudante sira.
Nunee mos Reitor IOB Augusto da Conceição hatete, kada tinan universidade sira sempre produs graduadus kuaze rihun 5 resin, ida nee hatudu katak kontribuisaun ensinu superior makas ba rai ida nee. Informasaun kompletu iha STL Jornal no STL Web, edisaun Kinta (1/12/2016). Guilhermina Franco/ Jacinta Sequeira
Source : STL Online
Source : STL Online
0 thoughts on “Graduadus Timor Oan Sei Menus Habilidade, Traballador Barak Mai Husi Estranjeiru”