MELIGO- Povu Aldeia Bereleo, Suku Meligo, Postu Administrativu Cailaco, konsidera Veteranu laiha kapasidade kaer projetu eletrisidade, tamba dada deit eletrisidade kilometru ida too agora la hotu.
Konsiderasaun nee Povu Aldeia Bereleo, Lucas Leo Soro liu husi dialogu komunataria entre Prezidente Republika Taur Matan Ruak ho povu Meligo, Kuarta (23/11/2016).
Nia hatete Veteranu dada eletrisidade paradu too agora sira hari tiha airin eletrisidade besik tinan ida maibe seidauk dada fiu eletrsidade too agora tan nee veteran kaer projeitu tenki lalais labele para iha dalan klaran.
Iha fatin hanesan povu Aldeia Mude Rodolfo da Cruz mos reforsa katak letirisidade iha suku seluk lakan ona maibe iha Aldeia Mude too agora seidauk lakan maske kompania balun aprejenta ona proposta maibe too agora seidauk iha resposta.
Hatan ba preokupasaun nee Prezidente Republika Taur Matan Ruak hateten nia parte rekoinese prosesu dada ahi eletrisidade iha balun sala maibe iha fatin balun lao diak tamba too agora povu neebe asesu ona eletrisidade kuaze 90 %. Informasaun kompletu iha STL Jornal no STL Web, edisaun Kinta (24/11/2016). Timotio Gusmao
Source : STL Online
0 thoughts on “Povu Konsidera Veteranu Laiha Kapasidade Kaer Projetu Eletrisidade”