Graduadus Timor Oan Sei Menus Habilidade, Traballador Barak Mai Husi Estranjeiru
By realidade timor Wednesday, November 30, 2016 Edukasaun , Slider
DILI – Kada tinan universidade iha Timor produs graduadus timor oan kuaze rihun 5 t oo rihun 6, maibe iha kampu servisu, traballador barak mos husi estranjeirus, ida nee tanba graduadus iha deit kapasidade intelektual, maibe ba abilidade skill sei minimu.
Tuir Diretor Geral Servisu Kooperativus Ministeriu Edukasaun Antoninho Pires katak, haree ba kualidade graduadus, ministeriu iha nia rekezitus ba iha universidade sira. Aleinde nee mos ministeriu atu garante kualidade nee mak sira komesa halo ona avalisaun ba iha klase paralelo, neebe mak loke iha munisipiu sira, atu nunee konsentra lai ba sentral hodi nunee bele garante kualidade.
Fator primeiru mak ita nia graduadus sira em termus de abilidade sei minin tebes, mezmu sira iha ona kapasidade intelektual maibe abilidade ketrampilan skill nee sei menus. Maibe governu presiza ema servisu nee tenke ser iha abilidade no skill diak, neebe ita nia graduadus sira tenke hadia sira nia abilidade no skill para depois bele tama iha merkadu traballu,” katak Antoninho ba STL Kuarta (30/11/2016) iha Ministeriu Edukasaun Vila-Verde.
Nia hatete, hare ba buat sira nee hotu ministeriu agora estabelese ona konteudu kurikular minimu iha universidade sira i aomezmu tempu iha konteudus minimu sira ba ensinu superior sira nia kurikular bele hatama ona abilidade, para oinsa bele iha ona parte ba abilidade ketrampilan ba estudante sira.
Nunee mos Reitor IOB Augusto da Conceição hatete, kada tinan universidade sira sempre produs graduadus kuaze rihun 5 resin, ida nee hatudu katak kontribuisaun ensinu superior makas ba rai ida nee. Informasaun kompletu iha STL Jornal no STL Web, edisaun Kinta (1/12/2016). Guilhermina Franco/ Jacinta Sequeira
Source : STL Online
Source : STL Online
Labele Moe Iha Oan Defisiente, Tenke Haruka Asesu Ba Edukasaun
By realidade timor Wednesday, November 30, 2016 Edukasaun , Slider
DILI – Inan aman labele moe karik iha oan defisiente tenke haruka asesu ba edukasaun, tanba defisiente mos iha direitu atu asesu ba atividade saida deit hanesan mos ema normal.
Tuir Domingos Gusmao hanesan Asistent Organizasaun ADTL (Asosiasaun Defisiente Timor-Leste) katak, inan aman balu iha oan defisiente maibe sira husik deit iha uma, lakohi halo asesu ba edukasaun, i dala ruma sira lakohi hatama iha organizasaun defisiente sira, tanba sira moe atu haruka asesu ba edukasaun.
Ami hakarak hatete katak defisiente labele hela iha uma deit, ou labele hela iha fatin deit, maibe buka oinsa para atu asesu ba edukasaun no atividade hotu-hotu,” katak Domingos ba STL Tersa (29/11/2016), iha Comoro.
Nia hatete, ema defisiente nee atu asesu ba atividade sira nee importante liu mak iha parte edukasaun nian, liu-liu atu hatudu ba sosiedade sira katak defisiente mos iha diretiu atu asesu ba buat hotu. Mezmu dedisiente maibe hanesan sidadaun timor oan ida, iha diretiu hanesan mos ema normal sira atu aseau ba saida deit.
Nunee mos Defisiente Ahisaun Natalino Alexandre, husu ba inan aman sira labele husi oan sira neebe mak defisiente atu hela deit iha uma, tenke haruka sira asesu ba edukasaun liu-liu atu lori oan sira ba iha organizasaun defisiente sira, atu nunee sira bele halo atividade oin-oin hanesan hetan formasaun, no buat seluk tan. Informasaun kompletu iha STL Jornal no STL Web, edisaun Kuarta (30/11/2016). Guilhermina Franco
Source : STL Online
Source : STL Online
Estudante Uza Media Sosias, Tenke Uza Fo Benefisiu Ba Estuda
By realidade timor Tuesday, November 29, 2016 Edukasaun , Slider
DILI– Estudante uza media sosiais hodi buka benefisiu ba sira, atu nunee bele aprende materia balu neebe mak liga ba sira nia prosese aprendizajen, hodi nunee labele demafa ema seluk ho lia fuan aat oin-oin.
Kestaun nee hatoo husi Diretor Fundasaun Ceo IOB Pedro Ximenes katak, haree ba media sosiais neebe mak ema uza sala, ida nee sempre dehan globalizasaun nee buat ida neebe mak labele para, sempre lao ba oin, hakarak ka lakohi tenke uza ou uza sala globalizasaun, tanba nee ema ida-idak tenke hatene aan.
Hau hanoin estudante sira uza facebook nee lasala hodi asesu ba buat neebe mak iha, maibe importante mak sira tenke uza hodi suporta sira nia estuda, tanba iha media sosial nee iha mos buat diak barak atu hodi fasilita sira nia estudu,” katak Pedro ba STL Tersa (29/11/2016) iha kampus IOB.
Nia hatete, dala ruma mos ema balu uza media sosiais nee hodi hatete aat ema, ou insulta ema ho lia fuan oin-oin, maibe buat nee fila fali ema ida-idak nia aan atu uza buat sira nee ho konsensia atu nunee labele estraga ema.
Iha fatin neebe deit sempre iha ema laran aat insulta ema husi media sosiais, neebe nia husu ba governu atu tau ida nee ba kestaun, tanba kestaun nee liga ho aspetu legal, i haree fali ba lei mos sei fraku ba iha defamasaun nia, neebe governu tenke buka maneira oinsa para bele prevene tiha hahalok aat sira koalia aat ema. Informasaun kompletu iha STL Jornal no STL Web, edisaun Kuarta (30/11/2016). Guilhermina Franco
Source : STL Online
Source : STL Online
Estudante Bolseiru Mocambique Hili Hahan Foer, Abel: Hatun Nia Aan Rasik, Tanba Nia Sempre Atraza Iha Relatoriu
By realidade timor Wednesday, October 12, 2016 Edukasaun , Slider
DILI-Estudante bolseiru iha Mocambique neebe mak deskonfia hili hahan for hodi hetan osan, ida nee nia rasik hatun nia aan, tanba kada fulan nia atraza relatoriu hatama ba Ministeriu Edukasaun kona ba gastu osan.
Tuir Vice Ministru ME Abel Ximenes katak, estudante bolseiru ida iha Mocambique iha facebook nia kesi tiha Bandeira RDTL iha ulun, depois ba buka hahan iha lixu atu hodi hetan osan, estudante nee naran Januario i nia nee ema ida lider politika neebe nia halo pozisaun nee atu hodi poletiza tiha situasaun nee.
Ami husi edukasaun buka tuir informasaun maibe haree ba estudante nee mak atraza duni relatoriu ba iha ME atu hodi hatene konaba osan neebe mak nia gasta, neebe kona ba tanba saida mak nia atraza ami mos lahatane so nia nain rasik mak hatene,” katak Abel ba STL Kuarta (12/10/2016) iha Merkadu Antigu CCD.
Nia hatete, osan ba nia nee laos laiha, osan iha hela so ke nia lahatama relatoriu nee mak osan ba nia mos atraza, neebe nia tenke rekonese nia direitu no dever. Maibe ba estudante sira seluk hatama relatoriu lancar no sira simu osan mos lancar. Estudante halo hahalok ida nee hatudu imajem ba nia aan katak nia nee laos ema intelektual ida, maibe nia rasik halo hodi hatun nia aan, no hatun nia imajen hanesan estudante bolseiru.
Nunee mos Reitor Cristal Sebastiao Pereira hanesan parte Akademika hatete, iha informasaun dehan katak deskonfia estudante ida hili hahan foer ba lori hetan osan nee, ida nee hanoin orsamentu neebe transfere ba sira nee konsentralizadu iha governu prosesu ba iha nasional nee mak dala ruma atraza. Husu ba inan aman sira mos oinsa mak atu haree ba ona sira bele fo apoiu, karik osan ba oan sira atraza inan aman sira bele apoiu hodi hein osan husi governu. Informasaun kompletu iha STL Jornal no STL Web, edisaun Kinta (13/10/2016). Guilhermina Franco / Jacinta Sequeira
Source : STL Online
