Edukasaun mak dalan ba Dezenvolvimentu

By realidade timor Saturday, December 12, 2015 Category , Dezemvolvementu Eduksaun , Slider , Timor

Sei ita hakarak troka Timor no hare Timor ne’e hakat ba oin dunik saida mak ita tenki halo?

Sources husi Asia Foundation,  iha dia 14 Setembro 2011.  Labarik sira  asesu ba livro nebe hetan tulun husi Asia.

Lalika mehi naruk, mehi boot liu, mehi klean liu no mehi nafatin deit, ita bele troka Timor iha tinan hirak mai kuandu ita iha hanoin diak, ita lalika mehi klean liu no mehi liu tia nasaun abansadu sira, saida mak ita persisa hanesan nasaun foin mak dezenvolve bele halo? Saida mak ita tenki tau atensaun liu lori atu troka nasaun nia mentalidade? EDUKASAUN, edukasaun mak savi para atu dezenvolve nasaun ida, ita halao ona ka evaluasaun tinan- tinan ba graduadu sira husi eskola publiku ? Sira nain hira mak bele kualifika ona atu hetan valor diak iha exame ikus, ou bele liu ba Universidade? ita so’o bele hare deit dadus sai ho valor diak ne’e mai husi deit eskola privadu sira nian maibe kasihan eskola publiku sira tenki nonton deit tamba sira labele qualifika sira nia aan ho eskola privadu sira. Ida nee sei nia sala? estudante sira?, ita lakon jovem barak nia futuru tinan-tinan , maibe ita lakoi hare ba ida ne'e ita masa bodoh tia, sira laos Timor oan ka? Sira mos labele mehi atu participa iha dezenvolve ba sira nia aan, familia no ba nasaun ne’e ka?ita iha ona konsensia para husu ba ita nia a’an ka lae?husu ba ita nia aan!! Labarik barak husi eskola publiku tinan tinan labele compete, ne’e labarik nia sala ka tamba sira eskola iha eskola publiku? ou sira nia inan aman mak sala? tamba tenki hatama sira ba eskola publiku tamba laiha kapasidade para selu sira nia oan atu ba iha eskola privadu, ou mestre/a sira mak sala? tamba tenki hanorin eskola 5 ka 6 tan deit tenki hetan osan uituan. Ita hotu hatene katak labarik sira ne’e iha otas Pubertas nian ne’ebe iha hormon ida ne’ebe mak halo sira kuriosidade tebes kona ba sira nia atitude maibe ita iha mestre/a ruma ne’ebe mak iha konseinsia atu derize sira ? ou ita abondonadu deit sira. Timor labele dezenvolve tamba labarik sira barak husi eskola publiku ne abondonadu deit tamba sira mos hola parte no sai hanesan savi ba dezenvolvimentu nian, labarik sira ne’e sei sai jovem. No Jovem maka forca nasaun nian maibe ho fundasaun ne’ebe mak ladiak sira lakon sira nia futuru, no wainhira sira barak tebes mak lao sala dalan ho mentalidade ne’ebe mak ladiak entaun ita nia dezenvolvimentu mo’os sei lao nafatin iha fatin hotu. Loo’s dunik ema hotu-hotu iha nasaun ida labele ba hotu Universidade no kaer hotu diploma ka degree maibe ema hotu mos tenki iha fundasaun diak ida atu dezenvolve mentalidade ne’ebe mak diak atu hasoru moris ne’e,  hanesan sidadaun ida. Atan hau husu ba Governu! Hader ona ba, hadia ona ba salario ba mestre/a sira para sira bele tau laran no bele foka ba estudante sira nia futuru. Mestre/a sira maka Heroi ba nasaun ne’e, kuandu Governu respeitu sira nia servisu no tau importansia a’as ba sira, atan hau fiar dezenvolvimentu sei mosu. Exemplu hanesan, nasaun Japaun kuandu funu Nagasaki ho Herosimu remata, lider Japaun nian buka atu kolekta no registu ema , no ema primeiru sira ezizi atu kolekta no registu ne mak  MESTRE/A sira. Tamba sa? Husu ba ita ida-ida nia a’an. No ikus liu parabens ba alin sira ne’ebe mak foin graduadu husi eskola sekundario no pre-sekundario iha Timor laran tomak, ba estudante graduadu sekundario sira agora mak imi foin tama fase ida bolu Jovem no imi mak se hili imi nia dalan ho imi nia maturidade rasik.

Refleksaun badak husi : Armindo Da Silva